ປາກຽວ ມີທ່າອຽງໄດ້ເປັນວຸດທິສະມາຊິກຟິລິບປິນ

ໂຄສົກ ແມນນີ ປາກຽວ ຍອດນັກຊົກຊາວຟິລິບປິນເຜີຍວ່າ ປາກຽວມີທ່າອຽງຈະໄດ້ເປັນວຸດທິສະມາຊິກໃນການເລືອກຕັ້ງເມື່ອວານນີ້ ໂດຍໄດ້ຄະແນນເປັນທີ 9 ຈາກຜູ້ສະໝັກທີ່ຈະໄດ້ເປັນວຸດທິສະມາຊິກລະດັບປະເທດທັງໝົດ 12 ຄົນ.

ເວັບໄຊໜັງສືພິມຢູເອສເອທູເດຂອງສະຫະລັດລາຍງານວ່າ ຜົນຄະແນນທີ່ນັບໄປແລ້ວ 89% ປາກຽວ ໄວ 37 ປີ ເຈົ້າຂອງແຊ໋ມໂລກ 8 ຮຸ່ນທີ່ຫາກໍລາວົງການໝັກມວຍເມື່ອເດືອນກ່ອນໄດ້ແລ້ວ 14,7 ລ້ານຄະແນນ ສູງສຸດເປັນອັນດັບທີ 9 ນຳຜູ້ສະໝັກອີກ 3 ຄົນທີ່ມີຄະແນນຕາມຫຼັງລາວຢູ່ຄົນລະ 13 ລ້ານຄະແນນ ລາວໄປປ່ອນບັດລົງຄະແນນໃນແຂວງຊາຣັງການີ ທາງຕອນໃຕ້ຂອງປະເທດທີ່ເປັນ ສສ ມາຕັ້ງແຕ່ປີ 2009 ເມື່ອເຊົ້າວານນີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.