Ram ​ແມ່ນ​ຫຍັງ? ​ເຮັດໜ້າ​ທີ່​ຫຍັງ? ​ໃນ​ເຄື່ອງ​ຄອມ​ພິວ​ເຕີ​ຂອງ​ເຮົາ​ແດ່!

ແຣມ (Ram) ​ແມ່ນໜ່ວຍ​ຄວາມ​ຈຳ​ຫຼັກ​ຂອງ​ຄອມ​ພິວ​ເຕີ​ທີ່​ຫໍ້​ມາ​ຈາກ​ຄຳ​ວ່າ Random Access Memory ​ເປັນ​ອົງ​ປະກອບ​ສຳຄັນ​​ຕໍ່​ປະສິດທິພາບ​ການ​ເຮັດ​ວຽກ​ໂດຍ​ລວມ ແລະ​ຄວາມ​ໄວ​ໃນ​ການ​ເຮັດ​ວຽກ​ຂອງ​ລະບົບ​ຄອມ​ພິວ​ເຕີ ​ເປັນ​ໜ່ວຍ​ຄວາມ​ຈຳ​ແບບ​ຊົ່ວຄາວ ຊຶ່ງ​ໝາຍ​ເຖິງ​ຈະ​ສາມາດ​ເຮັດ​ວຽກ​ໄດ້ກໍ່ຕໍ່​ເມື່ອ​ມີ​ກະ​ແສ​ໄຟຟ້າ​ມາ​ຫຼໍ່ລ້ຽງ ​ເມື່ອ​ມີ​ການ​ຕັດ​ກະ​ແສ​ໄຟຟ້າ ຫຼື ປິດ​ເຄື່ອງ​ຄອມ​ພິວ​ເຕີ ຂໍ້​ມູນ​ໃນ​ແຣມກໍ່​ຈະ​ຫາຍ​ໄປ ຊຶ່ງ​ໃນ​ປະຈຸ​ບັນ​ນັ້ນ ​ໄດ້​ຖືກ​ພັດທະນາ​ມາ​ຈົນ​ເຖິງ Ram DDR4 ​ຊຶ່ງຮອງ​ຮັບ​ການ​ເຮັດ​ວຽກ​ຈາກ​ຊີ​ພີ​ຢູອະນຸກົມ Core i7 5xxx ສະຖາປັດຕະຍະກຳ Haswell-E ທີ່​ໃຊ້​ຊ໊ອກ​ເກັດ​ແບບ​ໃໝ່ ​LGA2011-v3 ເປັນ​ຕົ້ນ.

Ram ທຳ​ໜ້າ​ທີ່​ຫຍັງ?

Ram ທຳ​ໜ້າ​ທີ່​ຮັບ​ຂໍ້​ມູນ ຫຼື​ຊຸດ​ຄຳ​ສັ່ງ​ຈາກ​ໂປຣ​ແກຣມສຳ​ເລັດ​ຮູບ​ຕ່າງໆ ​ທີ່​ກຳລັງ​ເປີດ​ໃຊ້​ວຽກ​ຢູ່​ໃນ​ຄອມ​ພິວ​ເຕີ ​ແລ້ວ​ສົ່ງ​ຕໍ່​ໄປ​ຍັງ​ຊີ​ພີ​ຢູ (CPU) ​ໃຫ້ປະມວນ​ຜົນ, ຄຳນວນ ​ແລະ ວິ​ເຄາະ​ຫາ​ຂໍ້​ມູນ​ຕາມ​ຕ້ອງການ ​ເມື່ອຊີ​ພີ​ຢູຄຳນວນ​ສຳ​ເລັດ​ແລ້ວ ຈະ​ສົ່ງ​ຜົນ​ການ​ຄຳນວນ​ຫຼື​ວິ​ເຄາະ​ສິ່ງ​ນັ້ນໆ​ກັບ​ມາ​ຍັງ​ Ram ​ເພື່ອ​ສົ່ງ​ຕໍ່​ໄປ​ຍັງ​ໂປຣ​ແກຣມ​ເຈົ້າ​ຂອງ​ຊຸດ​ຄຳ​ສັ່ງ ກ່ອນ​ຈະ​ສ​ະ​ແດງ​ຜົນ​ຂອງ​ການ​ຄຳນວນ​ອອກ​ມາ​ທາງ​ໜ້າ​ຈໍ​ເປັນ​ຕົ້ນ.

ຮູບ​ພາບ Bandwidth ຂອງ Ram ​ແຕ່ລະ​ຮຸ່ນ

1452751868_ram-graph

ການ​ເຮັດ​ວຽກ​ຂອງ​ Ram ນັ້ນຈະ​ເປັນ​ການ​ເຮັດ​ວຽກ ຫຼື​ ການ​ຂຽນ-ບັນທຶກ​ຂໍ້​ມູນ​ແບບ​ສຸ່ມໝາຍ​ເຖິງ ຊີ​ພີ​ຢູນັ້ນ​ຈະ​ສາມາດ​ເຂົ້າ​ເຖິງ​ທຸກ​ສ່ວນ​ຂອງ​ Ram ​ໄດ້ ຈຸດປະສົງ​ກໍ່​ເພື່ອ​ເພີ່ມ​ຄວາມ​ໄວ​ໃນ​ການ​ບັນທຶກ​ ແລະ​ອ່ານ​ຂໍ້​ມູນ​ນັ້ນ​ເອງ ອັນ​ນີ້​ເອງ​ຄືຄວາມ​ເປັນ​ມາ​ຂອງ​ຄຳ​ວ່າ Random Access.

ddr4_corsair-100313932-orig

ສ່ວນ​ປະກອບ​ຂອງ​ Ram

  1. Input Storage Area

​ເປັນ​ສ່ວນ​ທີ່​ໃຊ້​ຮັບ​ຂໍ້​ມູນ​ຈາກ ​Input devices ເຊັ່ນ ​ແປ້ນ​ພິມ, ​ເມົ້າ​ສ, Barcode reader ​ແລະ​ອື່ນໆ ​ໂດຍ​ຈະ​ເກັບ​ໄວ້​ເພື່ອ​ສົ່ງ​ໃຫ້​ຊີ​ພີ​ຢູທຳ​ການ​ປະມວນ​ຜົນ ຄຳນວນ​ຫຼື​ວິ​ເຄາະ​ຂໍ້​ມູນ​ເຫຼົ່າ​ນັ້ນຕໍ່​ໄປ

  1. Working Storage Area

​ເປັນ​ສ່ວນ​ທີ່​ໃຊ້​ສຳລັບ​ເກັບມ້ຽນ​ຂໍ້​ມູນ​ທີ່ຢູ່​ໃນ​ລະຫວ່າງ​ການ​ປະມວນ​ຜົນ​ຂອງ​ຊີ​ພີ​ຢູ

  1. Output Storage Area

​ເປັນ​ສ່ວນ​ທີ່​ໃຊ້​ສຳລັບ​​ເກັບ​ມ້ຽນ​ຂໍ້ມູນ​ທີ່​ຜ່ານ​ການ​ປະມວນ​ຜົນ ຄຳນວນ ​ແລະ​ວິ​ເຄາະ​ໂດຍ​ໜ່ວຍ​ປະມວນ​ຜົນ​ກາງ ​ຫຼືຊີ​ພີ​ຢູແລ້ວ ​ແລະ​ຢູ່​ລະຫວ່າງ​ລໍຖ້າ​ສົ່ງ​ຜົນ​ການ​ປະມວນ​ຜົນ​ດັ່ງ​ກ່າວ​ກັບ​ຄືນ​ໄປ​ໃຫ້​ໂປ​ຣ​ແກມ​ເຈົ້າ​ຂອງ​ຊຸດ​ຄຳ​ສັ່ງ ​ເພື່ອ​ສະ​ແດງ​ຜົນ​ທາງ Output devices ຕາມ​ທີ່​ຜູ້​ໃຊ້​ວຽກ​ກຳນົດ​ໄວ້.

  1. ​Program Storage Area

​ເປັນ​ສ່ວນ​ທີ່​ໃຊ້​ເກັບ​ຊຸດ​ຄຳ​ສັ່ງ​ຫຼື​ໂປຣ​ແກຣມທີ່​ຜູ້​ໃຊ້​ຕ້ອງການ​ຈະ​ສົ່ງ​ເຂົ້າ​ມາ ​ເພື່ອ​ໃຊ້​ຄອມ​ພິວ​ເຕີ​ປະຕິບັດ​ຕາມ​ຄຳ​ສັ່ງ​ຊຸດ​ດັ່ງກ່າວ ​ແລະ​ແນ່​ນອນ​ວ່າ ຖ້າຫາກ​ຄ​ອມພິວ​ເຕີຂອງ​ທ່ານ​ນັ້ນ​ມີແຣມຫຼາຍ ປະສິດທິພາບ​ການ​ເຮັດ​ວຽກ​ຂອງຄ​ອມພິວ​ເຕີ​ກໍ​ຈະ​ສູງ​ຂຶ້ນ​​ໄປ​ນຳ ​ແຕ່​ການຈະ​ເພີ່​ມ​ແຣມ​ໃຫ້​ກັບ​ລະບົບ​ຄອມ​ພິວ​ເຕີ​ນັ້ນ​ເຮົາ​ຕ້ອງ​ພິຈາລະນາ​ອີກ​ວ່າ ​ແຣມ ຂອງ​ເຮົາ​ນັ້ນ​ເປັນ​ແບບ​ໃດ​ເຊັ່ນ DDR ຮຸ່ນ​ໄດ້ ຫຼື ​ເມນ​ບອດ​ຂອງ​ເຮົາ​ຮອງ​ຮັບ​ໄດ້​ຈັກອັນ ​ແລະ ທີ່​ສຳຄັນ Windows ຂອງ​ເຮົາ​ນັ້ນ​ເປັນ​ແບບ​ຈັກ​ບິດ​ອີກ​ນັ້ນ​ເອງ ​ເພາະ​ຖ້າ​ເປັນ 32 ບິດ ການ​ເພີ່ມ​ແຣມ​ເຂົ້າ​ໄປ​ຫຼາຍໆ​ກໍ່​ບໍ່​ສາມາດ​ເພີ່ມ​ປະສິດທິພາບ​ໄດ້​ເກີນ​ກວ່າ​ນັ້ນ ​ເພາະ Windows ​32 ບິດ ນັ້ນ​ຮອງ​ຮັບ​ໄດ້​ສູງ​ສຸດ​ປະມານ 4GB ​ເທົ່າ​ນັ້ນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.