ຄຳ​ມີ​ໄຊ ເຊັນ​ສັນ­ຍາເຊົ່າ​ດິນປູກສົ້ມ­ໂອ​ເຂດ​ວຽງ​ພູ​ຄາ

ວິສາຫະກິດຄຳມີໄຊສົ່ງ­ເສີມປູກພືດກະ­ສິ­ກຳໄດ້ເຊັນສັນ­ຍາເຊົ່າດິນລັດຈຳ­ນວນ 10 ກວ່າເຮັກ­ຕາ ເຂດເມືອງວຽງພູຄາ ແຂວງຫຼວງນໍ້າທາ ເພື່ອປູກໝາກ­ສົ້ມ­ໂອປ້ອນຕະ­ຫຼາດ ເປັນການສ້າງວຽກເຮັດງານທຳກໍຄືສ້າງລາຍຮັບໃຫ້ກັບປະ­ຊາ­ຊົນຢູ່ທ້ອງຖິ່ນ.

ພິ­ທີເຊັນສັນ­ຍາດັ່ງ­ກ່າວໄດ້ຈັດຂຶ້ນໃນວັນທີ 28 ເມ­ສາ 2016 ທີ່ສະ­ໂມ­ສອນຂອງເມືອງ ຊຶ່ງເຂົ້າຮ່ວມມີທ່ານ ບຸນທອງ ໜໍ່ຄຳເຮືອງ ຮອງເຈົ້າ­ເມືອງວຽງພູຄາ, ທ່ານ ຄຳມີໄຊ ປະ­ທານບໍ­ລິ­ສັດສົ່ງ­ເສີມ ປູກພືດກະສີກຳ ແລະບັນ­ດາຫົວ­ໜ້າຫ້ອງ­ການອ້ອມຂ້າງເມືອງເຂົ້າຮ່ວມ.

ໃນພິ­ທີໄດ້ຮັບຟັງການຜ່ານຂໍ້ຕົງລົງຂອງທ່ານເຈົ້າ­ເມືອງ ວ່າດ້ວຍການອະ­ນຸຍາດປູກໝາກ­ສົ້ມ­ໂອຢູ່ບ້ານພູເລັດກຸ່ມບ້ານນໍ້າຟ້າ ເມືອງວຽງພູຄາ  ແລະ ຜ່ານຮ່າງສັນ­ຍາ ວ່າດ້ວຍການເຊົ່າດິນຂອງປະ­ຊາ­ຊົນການຄຸ້ມຄອງຂອງລັດກັບບໍລິສັດທີ່ມາລົງ­ທຶນການປູກໝາກ­ສົ້ມ­ໂອຢູ່ບ້ານພູເລັດ ເມືອງວຽງພູຄາ ແມ່ນເພື່ອເປັນການຮ່ວມມືໃນການລົງ­ທຶນໃຫ້ໄດ້ຮັບຜົນປະໂຫຍດທັງສອງຝ່າຍເປັນການສ້າງລາຍຮັບໃຫ້ແກ່ປະ­ຊາ­ຊົນໃນກຳ­ນົດການເຊົ່າດິນແມ່ນ 7 ປີ ຫາກສັນ­ຍາໝົດກຳນົດສາ­ມາດຕໍ່ໄດ້ ໂດຍລາ­ຄາການເຊົ່າແມ່ນ 7 ແສນກີບຕໍ່ເຮັກ­ຕາ ສ່ວນຂອບເຂດອື່ນແມ່ນອີງ­ໃສ່ສະ­ພາບຕົວຈິງຂອງພື້ນທີ່.

ໃນບົດສັນ­ຍາຍັງໄດ້ລະ­ບຸການຮັກ­ສາສິ່ງ­ແວ­ດລ້ອມບໍ່ໃຫ້ມີຜົນກະ­ທົບຕໍ່ສິ່ງແວດລ້ອມໃນ­ຕໍ່­ໜ້າໃນຂົງ­ເຂດພື້ນທີ່ດັ່ງກ່າວ ຊຶ່ງການເຊົ່າດີນຂອງບໍ­ລິ­ສັດປູກ ໝາກ­ສົ້ມ­ໂອມີເນື້ອ­ທີ່ທັງໝົດ 10 ກວ່າ ເຮັກ­ຕາ.

ຂ່າວ: ສົມພອນ ນສພ ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.