ມືລະເບີດຂ້າຕົວຕາຍຂີ່ລົດຈັກພຸ່ງຕຳສະຖານີຕຳຫຼວດອິນໂດເນເຊຍ

ເຈົ້າໜ້າທີ່ອິນໂດເນເຊຍ ກ່າວວ່າ ມີລະເບີດຂ້າຕົວຕາຍຂີລົດຈັກພຸ່ງເຂົ້າໃສ່ສະຖານີຕຳຫຼວດໃນເມືອງໂຊໂລຂອງອິນໂດເນເຊຍ ມື້ນີ້ ເຮັດໃຫ້ເຈົ້າໜ້າທີ່ໄດ້ຮັບບາດເຈັບ 1 ຄົນ.

ໂຄສົກສຳນັກງານຕຳຫຼວດແຫ່ງຊາດ ຖະແຫຼງທາງສະຖານີໂທລະພາບເມໂທຣທີວີວ່າ ຄົນຮ້າຍຂີ່ລົດຈັກເຂົ້າໄປສະໜາມໜ້າສະຖານີຕຳຫຼວດເທິງເກາະຊວາ ເມື່ອເວລາ 7:35 ໂມງ ຊຶ່ງເປັນເວລາດຽວກັນກັບບ້ານເຮົາ ແລະ ລະເບີດຕົວເອງ ຈາກຂໍ້ມູນເບື້ອງຕົ້ນລະບຸວ່າ ຜູ້ກໍ່ເຫດເສຍຊີວິດ ແລະ ຕຳຫລວດໄດ້ຮັບບາດເຈັບ 1 ຄົນ ກ່ອນໜ້ານີ້ ມີລະເບີດຂ້າຕົວຕາຍກໍ່ເຫດໂຈມຕີໃນນະຄອນຫລວງຈາກກາຕາ ເມື່ອເດືອນມັງກອນທີ່ຜ່ານມາ ເຮັດໃຫ້ພົນລະເຮືອນ 4 ຄົນ ແລະ ຜູ້ກໍ່ເຫດ 4 ຄົນ ເສຍຊີວິດ ນັບເປັນເຫດໂຈມຕີຄັ້ງໃຫຍ່ໃນຮອບ 7 ປີຂອງອິນໂດເນເຊຍ ເຖິງວ່າທີ່ຜ່ານມາທາງການພະຍາຍາມປາບປາມເຄືອຂ່າຍຕິດອາວຸດຢ່າງເຂັ້ມງວດ ແຕ່ມີຊາວອິນໂດເນເຊຍຫຼາຍຮ້ອຍຄົນເດີນທາງໄປຕາເວັບອອກກາງ ເພື່ອຮ່ວມຮົບກັບກຸ່ມຕິດອາວຸດ ເຮັດໃຫ້ວິຕົກກັນວ່າຈະມີເຄືອຂ່າຍຫົວຮຸນແຮງກັບມາກໍ່ເຫດອີກ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.