ພູຄູນ ເປັນສະຖານທີ່ທ່ອງທ່ຽວແບບອະນຸລັກ

ຫຼາຍສະບັບທີ່ຜ່ານມາຜູ້ຂຽນໄດ້ພາທ່ານຜູ້ອ່ານໄປຮູ້ຈັກກັບແຫຼ່ງທ່ອງທ່ຽວທາງພາກໃຕ້ມາແລ້ວຫຼາຍແຫ່ງແຕ່ສະບັບນີ້ຜູ້ຂຽນຈະພາບັນດາທ່ານມາພາກເໜືອເພື່ອທໍາມະຊາດທີ່ມີຄວາມງາມຈົນໜ້າອັດສະຈັນໃຈ ແລະເຊື່ອວ່າຫຼາຍທ່ານຍັງບໍ່ເຄີຍໄດ້ໄປສຳຜັດນັ້ນກໍຄື:ພູຄູນສະຕໍເບີຣີ. ພູຄູນສະຕໍເບີຣີເປັນສະຖານທີ່ທ່ອງທ່ຽວແບບອະນຸລັກ,ນອກຈາກຈະມີສະຕໍເບີຣີສົດໆໃຫ້ໄດ້ເກັບແລ້ວຍັງເຮັດໃຫ້ນັກທ່ອງທ່ຽວໄດ້ດື່ມດໍ່າກັບທຳມະຊາດຢ່າງເຕັມທີ່ຊຶ່ງນັກທ່ອງທ່ຽວສາມາດກາງເຕັ້ນນອນທ່າມກາງບັນຍາກາດທີ່ອ້ອມຮອບໄປດ້ວຍພູເຂົາ,ສາຍລົມໜາວ,ທະເລໝອກ,ມີຈຸດສຳລັບນັ່ງເບິ່ງແສງແສງຕາເວັນທີ່ຈະລັບຂອບຟ້າແລະແສງດາວເດືອນໃນຍາມລາຕີທ່າມກາງບັນຍາກາດທີ່ສົດຊື່ນແລະ ຄວາມງາມຂອງທຳມະຊາດ.ບໍ່ວ່າທ່ານຈະເດີນທາງໄປກັບຄອບຄົວ,ຄົນຮູ້ໃຈກໍຖືວ່າເປັນກຳໄລຂອງຊີວິດທີ່ແສນຄຸ້ມຄ່າທີ່ຄັ້ງໜຶ່ງໄດ້ຢູ່ທ່າມ ກາງທຳມະຊາດແບບເຕັມທີ່. ສຳລັບການເດີນທາງຕັ້ງແຕ່ນະຄອນຫຼວງໄປຫາພູຄູນ ແມ່ນຕ້ອງຜ່ານເທສະບານເມືອງວັງວຽງໄປທາງເສັ້ນທາງ 13 ເໝືອ ໂດຍຫ່າງຈາກນະຄອນຫຼວງວຽງຈັນ250ກິໂລແມັດ,ຈາກຫຼວງພະບາງ 135 ກິໂລແມັດ,ຈາກຊຽງຂວາງ 130ກິໂລແມັດເຖິງແມ່ນວ່າການເດີນທາງຈະຍາວໄກແຕ່ຕະຫຼອດການ ເດີນທາງທ່ານຈະໄດ້ສຳຜັດກັບທຳມະຊາດທີ່ມີທິວທັດທີ່ສວຍງາມຈົນ ທ່ານລືມຄວາມອິດເມື່ອຍ,ສຳລັບນັກທ່ອງທ່ຽວທ່ານໃດທີ່ມັກຄວາມຕື່ນເຕັ້ນ, ມັກທຳມະຊາດ,ວິຖີຊີວິດແບບພື້ນບ້ານຕ້ອງລອງໄປສຳຜັດແລະສູບອາກາດບໍລິສຸດໃຫ້ເຕັມປອດທີ່ພູຄູນສະຕໍເບີຣີ. ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

Read more

ມີແຜນບູລະນະຄືນ ວັດຊຽງຄວນ ໃຫ້ທັນສະໄໝປະທັບໃຈແຂກ

ມີແຜນບູລະນະຄືນ ວັດຊຽງຄວນ ໃຫ້ທັນສະໄໝປະທັບໃຈແຂກ ເພື່ອເປັນການດຶງດູດເອົາບັນດານັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າມາຢ້ຽມຊົມນັບມື້ເພີ່ມຂຶ້ນ ເມືອງຫາດຊາຍຟອງ ນະຄອນ ຫຼວງວຽງຈັນ ມີແຜນຈະປັບປຸງວັດ ຊຽງຄວນໃຫ້ທັນສະໄໝເປັນທີ່ປະທັບ ໃຈແຂກຍິ່ງຂຶ້ນດ້ວຍການປະຕິສັງ ຂອນຄືນສິ່ງທີ່ເປ່ເພເສຍຫາຍ, ຈັດສະຖານທີ່ໃຫ້ເປັນລະບົບລວມເຖິງການກໍານົດເຂດບໍລິການໃຫ້ມີຄວາມຊັດເຈນໃນພາກປະຕິບັດ. ທ່ານ ບຸນທາມ ພຸດທະວົງສາ ເຈົ້າ ເມືອງໆຫາດຊາຍຟອງ ໃຫ້ສໍາພາດຕໍ່ທີມຂ່າວພວກເຮົາຮູ້ວ່າ:

Read more

ສຳຜັດອາກາດເຢັນທີ່ຖໍ້າຈັງວັງວຽງ

ເມືອງວັງວຽງນອກ­ຈາກຈະເປັນເມືອງທີ່ສວຍງາມທີ່ຖືກໂອບອ້ອມດ້ວຍໜ່ວຍພູ ແລະ ຜາຫິນອັນສະ­ຫຼັບສັບຊ້ອນ, ພ້ອມທັງສາຍນໍ້າຊອງທີ່ແສນງາມແລ້ວ, ຍັງມີຖໍ້າທີ່ໜ້າທ່ອງທ່ຽວຈຳ­ນວນຫຼວງ­ຫຼາຍເຊັ່ນ: ຖໍ້າຈັງ, ຖໍ້າຊ້າງ, ຖໍ້າຫອຍ, ຖໍ້າປູຄຳ, ຖໍ້ານໍ້າ, ຖໍ້ານອນ ແລະ ຜາຕັ້ງ, ໃນນີ້ ຖໍ້າຈັງຕັ້ງຢູ່ໄກຈາກສະໜາມບິນເກົ່າປະ­ມານ 500 ແມັດ, ເປີດໃຫ້ເຂົ້າທ່ຽວຊົມແຕ່ເວ­ລາ 8:00Œ17:00 ໂມງ,

Read more
Copy Protected by Chetan's WP-Copyprotect.