Xiaomi ເປີດຕົວພາວເວີແບງຂະໜາດ 10.000 mAh ມາພ້ອມກັບຜອດ USB Type-C

    ໃນ​ທຸກ​ມື້­ນີ້​ຫຼາຍ​ຄົນ​ກໍ​ຄົງ​ຈະ​ເຫັນ​ວ່າ​ແບັດ​ເຕີ​ຣີ​ສຳ­ຮອງ ຫຼື ພາວ​ເວີ ແບງ​ທີ່​ຮຽກ​ກັນ​ຈົນ​ຕິດ​ປາກ​ນັ້ນ​ມີ​ຈຳ­ໜ່າຍ​ໃນ​ທົ່ວ​ທ້ອງ​ຕະ­ຫຼາດ​ມີ​ຫຼາກຫຼາຍ​ຍີ່­ຫໍ້​ຫຼາກ​ຫຼາຍ​ຮູບ​ແບບ​ຫຼາກ​ຫຼາຍ​ຂະ­ໜາດ​ໃຫ້​ເລືອກ​ຊື້​ກັນ.

    ເມື່ອ​ບໍ່​ເທົ່າ­ໃດ​ມື້​ມາ​ນີ້ Xiaomi ໄດ້​ເປີດ​ຕົວ Mi Power Bank Pro ແບັດ​ເຕີ​ຣີ​ສຳ­ຮອງ​ຮຸ່ນ​ໃໝ່​ຫຼ້າ​ສຸດ​ຈາກ​ທາງ Xiaomi ທີ່​ມາ​ພ້ອມ​ກັບ​ຜອດ USB Type-C ແລະ​ໃຫ້​ຄວາມ​ຈຸ​ແບັດ​ເຕຣີ​ມາ​ເຖິງ 10.000 mAh.

Mi Power Bank Pro ນັ້ນ​ຮອງ​ຮັບUSB Type-C ເປັນ​ບ່ອນ​ສາກ​ໄຟ​ເຂົ້າ​ຊຶ່ງ​ກໍ​ໜ້າ​ຈະ​ອອກ​ແບບ​ມາ​ສຳ­ລັບ​ຜູ້​ໃຊ້​ສະ­ມາດ​ໂຟນ​ທີ່​ໃຊ້ ຜອດUSB Type-C ເຊັ່ນLG G5, Nexus 6P, 5X, OnePlus 2 ຫຼື​ບໍ່​ວ່າ​ຈະ​ເປັນ Mi 5 ຮຸ່ນ​ຊັ້ນ​ນຳ​ໃໝ່​ຫຼ້າ​ສຸດ​ຂອງ​ທາງ Xiaomi ຊຶ່ງ​ນອກ ຈາກ​ນີ້​ຍັງ​ຮອງ​ຮັບ​ການ​ສາກ​ໄວ​ອີກ​ດ້ວຍ​ໂດຍ​ຈະ​ຮອງ​ຮັບ​ການ​ສາກ​ໄວ ແບບV/2A, 9V/2A ແລະ12V/1.5A.

Xiaomi ຍັງ​ໄດ້​ມີ​ການ​ປ່ຽນ­ແປງ​ໃໝ່ໆ​ເກີດ​ຂຶ້ນ​ກັບ​ແບັດ​ເຕີ​ຣີ​ສຳ­ຮອງ ຮຸ່ນ​ນີ້​ອີກ​ນັ້ນ​ກໍ​ຄື Mi Power Bank Pro  ນັ້ນ​ມີ​ນ້ຳ­ໜັກ​ທີ່​ເບົາ​ກວ່າ ແລະນ້ອຍ​ກວ່າ​ຮຸ່ນ​ກ່ອນໆ​ມີ​ນ້ຳ­ໜັກ​ພຽງ​ແຕ່ 223 ກຣາມ ແລະ​ມີ​ຄວາມ​ໜາ ພຽງ​ແຕ່ 12,58 ມີ​ລີ​ແມັດ​ເທົ່າ​ນັ້ນ​ຊຶ່ງ​ບາງ​ກວ່າ Mi Power Bank 5.000 mAh ຮຸ່ນ​ກ່ອນ​ໜ້າ​ນີ້​ເຖິງ 42 ສ່ວນ​ຮ້ອຍ.

ຕອນ​ນີ້ Xiaomi ໄດ້​ປະ­ກາດ​ວາງ​ຂາຍ​ໃນ​ປະ­ເທດ ສປ ຈີນ ແລ້ວ​ໃນ​ລາ ຄາ 149 ຢວນ​ຊຶ່ງ​ຖື​ວ່າ​ລາ­ຄາ​ນີ້​ກໍ​ບໍ່​ແພງ​ຈົນ​ເກີນ​ໄປ​ແຕ່​ເຮົາ​ກໍ​ຍັງ​ບໍ່​ຮູ້​ວ່າ Xiaomi ນັ້ນ​ຈະ​ເປີດ​ຕົວ​ຂາຍ​ໃນ​ຕ່າງ­ປະ­ເທດ​ເມື່ອ​ໃດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.